Американската Управа за храна и лекови (FDA) денеска соопшти дека моментално достапните вакцини против Ковид-19 не штитат најдобро од сојот омикрон на коронавирусот.
Во соопштението се додава дека без оглед на тоа, дополнителните дози помагаат во заштитата од потешки исходи, објавија американските медиуми.
Се наведува дека ваквиот заклучок следел на состанокот на надворешни експерти од FDA, на кој се разговарало за временскиот период што е потребен да помине за примање дополнителна доза од вакцината и лицата кои ги исполнуваат условите за истата.
