Honor го претстави новиот член од својата серија Honor Magic 4 – Honor Magic 4 Lite. Не се работи за уред од висока класа, туку за смартфон од средниот сегмент, кој е објавен на европскиот пазар
Magic 4 Lite го покренува Qualcomm Snapdragon 695 чип, а телефонот е достапен само во една мемориска конфигурација, со 6GB RAM и 128GB простор за складирање. Телефонот е опремен со голем 6,81-инчен IPS LCD екран со резолуција од 1080 x 2388 пиксели и брзина на освежување од 120 Hz. Отворот во горниот дел од екранот на крие предна камера со сензор од 16MP.
На задната страна, телефонот има огромен кружен модул со три сензори за камера во комбинација од 48 MP (главен сензор) + 2 MP (макро сензор) + 2 MP (сензор за длабочина). Во засекот, заедно со камерите, има и LED блиц.
За автономијата на телефонот е задолжена батерија од 4800 mAh со поддршка за брзо полнење од 66 W. Honor наведува дека телефонот ќе може да се полни до 80 проценти за 30 минути.
Уредот мометно е достапен за купување само во една европска земја – Франција. Таму клиентите можат да избираат помеѓу три бои на смартфонот – Ocean Blue, Titanium Silver и Midnight Black, а цената на Honor Magic 4 Lite се уште не е позната. Сепак, Magic 4 Lite е всушност ребрендиран Honor X9 5G, кој неодамна беше претставен во Малезија. Таму цената на овој телефон изнесдува околу 275 евра, поради што се очекува цената на Magic 4 Lite во Европа да биде околу 300 евра.