Google конечно додава можност за поинакво уредување и распоредување на табови, користејќи кратенки на тастатурата кога станува збор за Chrome на Windows платформата.
Оваа функција е достапна за Linux и macOS со години, а сега е на пат за Chrome на Windows. Доделена кратенка за преместување на табовите низ лентата е забележана во верзијата Chrome Canary 102, која е во фаза на тестирање.
Корисникот може да притисне Ctrl + Shift + Page Up / Down за да ја премести тековната страница лево или десно. Новата кратенка ќе им се придружи на други корисни опции кои овозможуваат побрза навигација во прелистувачот. Меѓу нив се и Ctrl+Up за префрлање помеѓу јазичињата, Ctrl+W за затворање страница или Ctrl+T за отворање нова.
Google работи и на други подобрувања и функции на Chrome. Прелистувачот наскоро ќе овозможи додавање на белешки на веб-страниците и нивно складирање во доделената страничен панел.
