Компанијата Oppo конечно ги претстави своите нови претставници од средната класа, мобилните уреди F21 Pro и F21 Pro 5G. Покрај тоа, компанијата ги објави и новите безжични слушалки Enco Air 2 Pro TWS.
И двата уреда имаат многу слични карактеристики, додека разликите најмногу се одразуваат во процесорската моќ. За почеток, двата смартфона имаат екран од 6,43 инчи со FHD+ резолуција од 1080 x 2400 пиксели, додека стапката на освежување на екранот изнесува 90 Hz кај моделот F21 Pro и 60 Hz кај F21 Pro 5G. Предниот дел на телефонот е заштитен со Gorilla Glass 5 стакло.
Во однос на внатрешните карактеристики, Oppo F21 Pro има Qualcomm Snapdragon 680 процесор со графички чип Adreno 670, додека Oppo F21 Pro 5G има Qualcomm Snapdragon 695 5G процесор, како и графички чип Adreno 619. Двата телефонa имаат 8GB RAM со 128GB простор за складирање UFS 2.2. Внатрешната меморија на уредот може да се прошири со помош на SD-картичка. Батеријата на двата уреда е со капацитет од 4.500mAh, а има и поддршка за брзо полнење од 33W.
Што се однесува до системот на камери, тој е многу сличен на двата смартфони. Главниот сензор има резолуција од 64MP и отвор на бленда f/1,79 со Quad Pixel технологија за поврзување на пикселите. Секундарната камера е со резолуција од 2MP и се работи за монохроматски сензор. Разликата е во тоа што третата камера на Oppo F21 Pro е со микроскопска резолуција од 2MP, додека третата камера кај Oppo F21 Pro 5G е макро со резолуција од 2MP. Што се однесува до предните камери, Oppo F21 Pro има селфи сензор со резолуција од 32MP, додека OPPO F21 Pro 5G поседува камера со резолуција од 16MP.
Уредите имаат по еден USB Type-C приклучок, како и 3,5 милиметарски влез за слушалки. Двата телефона го поддржуваат стандардот Bluetooth 5.1, имаат сензор за отпечатоци сместен во страничното копче за вклучување На крајот и пристигнуваат со оперативен систем Android 12 и кориснички интерфејс ColorOS 12.
Компанијата ги претстави и безжичните слушалки Oppo Enco Air 2 Pro, кои имаат динамични драјвери од 12,4 милиметри, активно намалување на шумот, како и IP54. сертификат за водоотпорност. Слушалките користат вештачка интелигенција за елиминирање на бучавата за време на повиците, а имаат и поддршка за Bluetooth 5.2. Овие слушалки треба да овозможат 28 часа слушање музика, а доаѓаат во две бои – бела и сива.
Цените на овие уреди се движат од околу 280 евра за Oppo F21 Pro, 330 евра за Oppo F21 Pro 5G, како и отприлика 40 евра за Oppo Enco Air 2 Pro безжичните слушалки.