Компанијата Lambda создаде подобрена верзија на лаптопот Razer Blade 15 Advanced од минатата година, на кој беше додаден Ubuntu Linux, a сето тоа со дозвола од Razer.
Razer x Lambda Tensorbook лаптопот ќе се продава на истражувачите на вештачка интелигенција и машинско учење, а цената изнесува 3.500 долари. Лаптопот работи на 11-та генерација на Intel Core i7 процесорот, користи графичка картичка Nvidia RTX 3080 Max-Q и има 64GB RAM.
Лаптопот има 15,6-инчен 165Hz 1440p дисплеј, а се се напојува од батерија од 80Wh. Има и два Thunderbolt 4 порта, три USB 3.2 Gen 2 Type-A приклучоци, како и поддршка за Wi-Fi 6E и Bluetooth 5.2
Tensorbook ја промени бојата, па сега е сребрен наместо црн и има однапред инсталирани драјвери и алатки за машинско учење како PyTorch, Tensorflow, CUDA и cuDNN.
Razer со години сугерира подобра поддршка за платформата Linux и можно е дела неодамна обновениот интерес за игри на Linux (поттикнат од Steam Deck уредот) да го принуди Razer повеќе да го вклучи Linux во своите идни производи.
