Некогаш попозната како Madcat, ова е уште една платформа дизајнирана за пренос на видео игри во живо и се наметнува како одлична алтернатива на надалеку познатиот Twitch. Затоа, сите оние кои сакаат да стримуваат како играат видео-игри (или сакаат да гледаат такви стримови), треба да и дадат шанса на платформата.
Неспорно е дека Twitch е најпозната платформа за пренос на игри во живо, но тоа не значи дека нема алтернативи и обиди да се преземе водечката улога во овој дел од гејминг индустријата. Во моментов, најдобрата алтернатива на која популарноста почнува прилично да и расте е Trovo, а беше основана пред отприлика две години.
Иако сè уште е релативно мала (и млада), оваа платформа бележи голем раст и завидно се зголемува бројот на гледачи, а слично на Twitch, најпопуларни се познатите и популарни наслови на игри како Call Of Duty, Grand Theft Auto, Fortnite, Valorant, PUBG и други игри.
Дополнително, вреди да се знае како зад оваа платформа стои кинескиот технолошки гигант Tencent. Она што го нуди Trovo е доста слично на она што го има Twitch, што значи дека преминот од таа платформа е целосно безболен, но и дека се работи за прилично способна платформа.
Накратко, сите оние кои уживаат да гледаат преноси во живо на насловите на омилените игри на оваа платформа ќе најдат голем избор на стримови што можат да ги следат, додека оние кои сакаат да создаваат содржина во Tencent ќе најдат интересна алтернатива за Twitch.