Започна со работа комплетно модернизираната и дигитализирана експозитурата на Комерцијална банка во Буњаковец. На своите клиенти, покрај редовно шалтерско работење, отсега им нуди и дигитални финансиски услуги 24/7.
Дигиталниот дел е опремен со банкомат за уплата и подигање готовина и со дигитален киоск кој е современо решение за плаќање сметки за јавни услуги (ЕВН, Телеком, А1, БЕГ и Телекабел) без провизија, без посета на шалтер и со картичка од која било банка. На дигиталниот киоск може да се испечати и извод од трансакциска сметка на физичко лице за која има претплата на Интернет банка. Влезот во дигиталната зона е 24/7 овозможен со сите банкарски картички.
Шалтерите во експозитурата се отворени од понеделник до петок од 08:00 до 16:00 часот, а ги обезбедуваат следниве услуги: отворање трансакциска сметка во денари или во девизи, плаќање во земјата и во странство, брз трансфер на пари, менувачко работење. На клиентите им се достапни и богатата понуда на кредитни производи и штедни влогови, можноста за купување удели во инвестициски фондови и осигурителни полиси, како и стручни совети и обука за користење електронска банка и мобилно банкарство за физички и за правни лица.
Експозитурата на Комерцијална банка во Буњаковец е модерно решение, кое на брз и ефикасен начин ги задоволува потребите на клиентите, без оглед на тоа дали се однесуваат на нивните лични финансии или на нивниот бизнис.
