Компанијата Apple се чини дека решила во целост да раскрсти со досегашната политика на изавање на многу слични смартфони во рамките на својата стандардна и Pro серија, па така моделите од iPhone 14 линијата ќе бидат значително поинакви едни од други.
Првото нешто за кое многу се зборуваше е отсуството на најбрзиот мобилен чипсет на Apple – A16 Bionic, од мобилните уреди кои не се Pro. На тој начин, само iPhone 14 и iPhone 14 Pro Max ќе го добијат A16 Bionic, додека iPhone 14 и iPhone 14 Max ќе останат на A15 Bionic чипот. Значи, зошто да не потрошите малку повеќе пари и да си го дозволите Pro моделот што всушност го сакате, наместо да се задоволите со основниот модел кој е малку поевтин, а исто така е без најновот процесор.
Од една страна, оваа одлука беше оправдана од глобалниот недостиг на чипови, но ние не веруваме целосно во таква приказна, бидејќи тоа е сепак Apple, а сепак кај нив, бизнисот и заработката се на прво место.
Според Марк Гурман, познат аналитичар за состојбите поврзани со Apple, основните iPhone 14 модели нема да имаат ниту камера од 48 MP, што само дополнително ќе ја зголеми разликата помеѓу двата модела. Според тоа, стандардните модели ќе имаат сензор од 12 мегапиксели, истиот што го има кај сегашните iPhone 13 модели.
Според нас, ова е едноставно нефер потег на компанијата Apple, најмногу кон своите верни корисници кои iPhone уредите ги менуваат од година во година. Ќе биде интересно да се види дали ваквата одлука е донесе до ново iPhone SE сценарио.
