Тим на јапонски истражувачи развија полупроводници направени од дрво кои можат да се користат во одржливи електронски уреди.
Целулозата е природен материјал кој лесно се добива од дрво. Од целулозните нановлакна, односно наноцелулоза, може да се направат листови флексибилна нанохартија со стандардни димензии А4. Нанохартијата не спроведува струја, но загревањето доведува до спроводливост и може да ја наруши наноструктурата.
Но, сега јапонските истражувачи смислија процес на обработка што им овозможува да ја загреат нанохартијата без да ја оштетат структурата на хартијата од нано до макро размер. Тие применија третман со јод кој ефикасно ги штити наноструктурите на наночестичките.
Истражувачите користеле оригами и киригами техники на виткање и сечење хартија за да ја покажат флексибилноста на нанохартијата на макро ниво. Птицата и кутијата се свиткани, формите како јаболка и снегулки се издупчени, а со ласерско сечење се прават посложени структури.
Истражувачите веруваат дека нивниот пристап, опишан во списанието ACS Nano, ќе овозможи изработка на одржливата електроника исклучиво од растителни материјали.
