PlayStation објави месечни игри за мај кои ги очекуваат корисниците на PlayStation Plus, а една од нив е и FIFA 22 која ќе можат да ја преземат бесплатно.
Покрај FIFA 22, членовите на PlayStation Plus во месец мај ќе можат да уживаат и во Tribes of Midgard и Curse of the Dead Gods, а игрите ќе бидат достапни од 3 мај. Понудата за овој месец вклучува и бонус пакет FIFA 22 FUT, исклучиво за корисниците на PlayStation Plus кои веќе ја имаат инсталирано FIFA 22.
Пакетот FIFA 22 FUT вклучува 11 играчи со оценки од 82 и повисоки за да ви биде полесно да го формирате FIFA 22 Ultimate Team, а ќе имате и опција да изберете еден од најдобрите фудбалери во историјата и да го додадете во својот тим за пет натпревари.
Популарната FIFA 22 ја доближува играта уште поблиску до реалноста со напредокот во играњето во сите режими.
„Изградете го вашиот тим од соништата во Ultimate Team, создадете го вашиот клуб во Career Mode и изразете се уличен стил со редизајнирана игра Volta Football. Уживајте во локалните или онлајн мултиплеер натпревари за повеќе играчи на конзолите PS4 и PS5“, порачуваат од Sony.
Со иновации насекаде на целиот терен, време е да ја почнете вашата сезона во FIFA 22!
