Сателитската интернет мрежа Starlink секојдневно ја користат околу 150.000 Украинци. Бројот на дневно активни корисници е базиран на „груби податоци“ кои украинскиот министер Михајло Федоров ги сподели на Twitter.
Федоров побара помош од директорот на SpaceX, Илон Маск откако Русија ја нападна Украина, со цел земјата да добие сателитски интернет. Најбогатиот човек во светот тогаш одговори позитивно. Интернет услугата е активирана во регионот иако SpaceX на ова подрачје сè уште не започна со комерцијални операции.
Со оглед натоа што интернет каблите беа мета на руските напади, идеално решение за Украина беа Starlink терминалите. Досега, ова не само што им помогна на Украинците да останат онлајн, туку им овозможи на пациентите во болниците да имаат континуирана нега. NBC пренесе дека во Украина моментално се активни пвоеќе од 10.000 Starlink терминали од кои 1.333 се овозможени од американската агенција за меѓународен развој USAID.
Според извештаите на SpaceX, Starlink има околу 250.000 претплатници низ светот. Со оглед на тоа што услугите во Украина моментално се бесплатни, се поставува прашањето за покриеност и долготрајна економска одржливост на услугите.
Важно е да се истакне дека бројот на дневно активни корисници е поинаков од бројот на претплатници. На еден безжичен рутер може да се поврзат дури 128 уреди, тврдат корисниците на Starlink.
