Традиционалната Google I/O конференција не е баш претерано познато по големите најави и претставувањето на хардер.
Овој настан секогаш бил примарно фокусиран на софтверот, додека хардверот бил во втор план. Меѓутоа, оваа година се случи токму спротивното, и компанијата Google буквално ја разнесе публиката со разни хардверски новитети.
Покрај евтиниот Pixel 6A смартфон и првиот паметен часовник на компанијата Pixel Watch, Google ги најави и уредите од Pixel 7 серијата, а ги лансираше и безжичните слушалки Pixel Buds Pro.
Pixel 7 и Pixel 7 Pro
Иако официјалното претставување на мобилните уреди од следната генерација е се уште далеку, Google неја пропушти приликата да ја разгори фантазијата на корисниците со давање на прв увид во дизајнот на овие телефони, како и една многу битна хардверска карактеристика.
The next generation of Pixel phones is on the horizon. Here’s a first look at the Pixel 7 and Pixel 7 Pro — equipped with a new generation of Google Tensor and a sleek design. Coming this fall. #GoogleIO pic.twitter.com/WMysJv1lZP
— Google (@Google) May 11, 2022
Смартфоните од Pixel 7 серијата ќе ја користат следната генерација на Tensor чипот, а дизајнот ќе остане сличен на актуелните Pixel телефони, со нешто променет изглед на модулот за леќите на камерите. Покрај тоа, монолитниот дизајн на куќиштето на камерата и натаму е присутен, но овој пат се чини дека е направен од алуминиум.
Here’s an early look at the Pixel 7 and 7 Pro coming this fall: https://t.co/Iy60FLHvNI pic.twitter.com/bTy1kg5q9d
— The Verge (@verge) May 11, 2022
Што се однесува до бројот на камерите, на фотографиите се забележува дека Google Pixel 7 ќе има два сензора, додека Pixel 7 Pro се одликува со три сензори на камерата.
Pixel Buds Pro
На крајот, тука се и премиум безжичните слушалки на компанијата наречени Pixel Buds Pro. Ова е прва серија на безжични слушалки на компанијата која донесува активна редукција на вревата со помош на шестојадрен процесор и напредни алгортми.
Овие слушалки имаат драјвери од 11 мм, а поддржуваат и транспарентен режим. Покрај тоа, Google ветува и поддршка за просторено аудио преку софтверска надградба подоцна годинава. Тука се уште и IPX4 рејтинг за слушалките и IPX2 рејстинг за куќиштето на слушалките.
Според моментните информации, едно полнење донесува 7 часа аудио репродукција со активно поништување на вревата и 11 часа репродукција без ANC. Сето ова ќе ги чини корисниците 200 долари.
