Компанијата U-Boat Worx која произведува приватни подморници го претстави моделот UWEP (Under Water Entertainment Platform), наменет за приватни забави.
Подморницата е долга 35 метри и може да прими до 120 патници. Нејзиниот погон е електричен, а ја напојува батерија со капацитет од 1,2 mWh која е сместена во подот.
Батеријата трае 18 часа, а подморницата може да се спушти до 198 метри во длабочина. Во итни случаи може да се активира и резервен систем на напојување, кој ги одржува клучните системи 96 часа до доаѓање на спасувачки тим.
Подморницата има 14 прозорци кои на гостите им овозможуваат поглед на морските длабочини, додека се дружат и забавуваат.