Honor X8 е добар избор за корисниците кои бараат поволен, лесен и тенок смартфон, а на кои не им се потребни премиум спецификации
Honor X8 е нов уред од X серијата на смартфони од средната класа на компанијата. Уредот го краси 6,7-инчен IPS LCD екран со резолуција од 1080 x 2388 пиксели со брзина на освежување од 90 Hz. Иако можеби не се работи за дисплеј со импресивни спецификации, дефинитивно може да се пофали со тесни рамки, што му дава на корисникот повеќе простор за користење, но придонесува и за атрактивноста на уредот.
Покрај тоа, телефонот е многу тенок со 7,45 милиметри, а треба да се напомене дека тежи 177 грама, па корисниците сигурно нема да се чувствуваат како да носат „цигла“ во џебот. Honor X8 го покренува Qualcomm Snapdragon 680 чипсет од средната класа, поврзан со 6GB RAM и 128GB простор за складирање. Не постои можност за проширување на меморијата со microSD картичка, што дефинитивно треба да се има предвид.
Секако треба да се спомене HONOR RAM Turbo (6G + 2G) технологијата, која преместува дел од флеш меморијата во RAM-от, што значи дека 6GB RAM всушност дополнително се зголемува на 8GB. Ова се постигнува со компресирање на апликациите во позадина, додека се „убиваат“ позадиснките процеси при промена на апликацијата што се користи.
На задната страна од уредот има дури четири камери – главна од 64 MP, ултраширока од 5 MP, макро од 2 MP и длабочинска од 2 MP. Во отворот на екранот под звучникот за разговори, се наоѓа предна камера од 16 MP, која служи за селфи фотографии.
Honor X8 има батерија од 4.000 mAh со поддршка за брзо полнење од 22,5 W. Значи, иако се работи за нешто помала батерија за денешниот стандард, корисниците со помала побарувачка треба да очекуваат околу еден ден на автономија.
Заинтересираните корисници ќе можат да го изберат својот Honor X8 во три бои – сребрена (Titanium Silver), црна (Midnight Black) и сина (Ocean Blue).
