Lenovo ја претстави новата генерација гејминг лаптопи од Legion и Legion Slim сериите. Новите модели доаѓаат под имињата Legion 7i и 7 и Legion Slim 7 и 7i. Според производителот, ова се моментно најмоќните (Legion 7i и 7) и најтенките и најлесните (Legion Slim 7 и 7i) 16-инчни гејминг лаптопи во светот. Преносните компјутери имаат елегантен, модерен и ненаметлив спортски дизајн, подобрени шарки и врвни материјали како што се алуминиум и магнезиум.
Лаптопите се опремени со најновиот хардвер – Intel или AMD процесори и Nvidia или AMD графика. Legion 7i и Legion Slim 7i се базирани на процесорите од 12. генерација на Intel (до Core i9-12900HK / HX), додека Lenovo избра AMD процесори (до Ryzen 9 6900HX) за Legion 7 и Legion Slim 7. Сите овие модели поддржуваат DDR5 меморија (4.800 MHz) и четврта генерација PCIe SSD (до 2 TB).
Корисниците кои ќе се одлучат за лаптоп покренуван од некои од процесорите на Intel можат да избираат помеѓу графичките картички GeForce RTX 3080 Ti, RTX 3070 Ti, RTX 3070, RTX 3060 и RTX 3050 Ti, додека оние кои ќе се определат за AMD на располагање ги имаат AMD Radeon XTRX685. , RX6700M, RX6800S и RX6600S графичките картички.
Екраните се 16-инчни, со IPS панели со резолуција 2.560 x 1.600 пиксели, стапки на освежување до 240 Hz и сооднос 16:10. За Legion Slim 7i, Lenovo додаде можност за конфигурирање со Mini-LED дисплеј. Сите модели се опремени со Harman звучници (2 x 2W), веб-камери со 720p или 1080p резолуција со физички бленди за леќите, тастатури со со бело или RGB осветлување, поддршка за Wi-Fi 6E и Windows 11 во Home или Pro верзија. Батериите со капацитет71 Wht или 99,99 Whr поддржуваат технологија за брзо полнење и достигнуваат до 70 проценти од капацитетот во рок од 30 минути.
Подетални информации се достапни на веб-страницата на производителот. Legion Slim 7i на пазарот пристигнува во јуни по почетна цена од 1.999 евра, а еден месец подоцна (јули 2022) Legion Slim 7 и Legion 7 со AMD процесори по почетни цени од 1.899 и 2.599 евра. Во јули ќе биде достапен и Legion 7i со Intel процесори, со почетна цена од 2.999 евра.