Веќе се појавија неколку гласини за претстојната iPhone 14 серијата смартфони на Apple. За почеток, познато е дека Apple ќе ја направи најголемата диференцијација досега помеѓу Pro и стандардните модели во рамките на оваа серија, во неколку клучни категории. Според досегашните гласини, се чини дека само Pro уредите ќе добијат нова камера со зголемена резолуција, како и нов A16 Bionic процесор.
Предни камери
Дополнително, го добивме првиот увид во новите предни камери кај Pro моделите, кои го отфрлаат актуелниот засек во корист на „punch hole“ отвор и еден засек во облик на пилула. Сепак, стандардните модели ќе задржат „стариот“ голем засек. Сега се појавија првите фотографии од заштитните маски за претстојната iPhone 14 серија, што ни дава повеќе информации за разликите помеѓу Pro и стандардните телефони iPhone 14.
Задни камери
Како што наведува порталот Wccftech, инсајдерот DuanRui ги забележа првите заштитни маски за iPhone 14 моделите на кинеската социјална мрежа Weibo, а тие прикажуваат колку точно камера сензори може да очекуваат корисниците на задниот дел од нивните уреди.
Судејќи според овие фотографии, iPhone 14 и iPhone 14 Max најверојатно ќе имаат само два сензори за камера за разлика од Pro моделот кој би требало да има три камера сензори. На тој начин, Apple ќе воведе уште една огромна разлика помеѓу стандардните и Pro уредите. Од трите камери, само iPhone 14 Pro и iPhone 14 Pro Max ќе имаат нов сензор од 48MP, што се очекува да биде многу значајна надградба во однос на 12MP сензори присутни во iPhone 13 уредите
Така, Apple конечно одлучи да ја зголеми резолуцијата на сензорот за главната камера во барем некои од своите нови уреди од оној што првпат беше претставен на моделите iPhone 6S и iPhone 6S Plus во 2015 година. Секако, сето ова доведе до поголем модул за камера кој е видлив и на заштитните маски.
8К снимање
Конечно, се очекува уште една значајна промена, а тоа е поддршката за снимање видео во 8К резолуција, кое за прв пат би се појавило во еден iPhone. Сето ова оди рака под рака со неофицијални информации дека некои од моделите на iPhone 14 серијата ќе имаат простор за складирање од 2 TB. Овие огромни 8K фајлови треба некаде да се складираат.