Компанијата Garmin го претстави новиот член на Varia линијата радари и задни светла за велосипеди, а тоа е уред со камера
Станува збор за уредот Varia RCT715 кој содржи камера, која снима видео од 1.080p со 30 fps. Овој уред има режим за автоматско снимање инциденти што снима моменти пред, за време и по несреќата. Водоотпорен е на длабочина од еден метар 30 минути, но поради тоа што има IPX7 сертификат нема заштита од прашина и песок.
Кога е вклучена, камерата Varia снима континуирано и ги зачувува сликите во соодветната апликација Varia. Снимката потоа може да се пренесе на домашен компјутер или паметен телефон. Апликацијата ќе го предупреди корисникот ако камерата забележи возило што се движи премногу блиску одзади. Исто така, камерата е компатибилна со паметните часовници Garmin и велосипедските компјутери, така што корисникот може да ги следи своите тренинзи и да прима известувања.
Додека камерата е во фокус, други карактеристики на Varia RCT715 се исто така важни. Оптималната работа на камерата се потпира на радар кој покрива агол од 220 степени и може да детектира возила на оддалеченост до 140 метри. Тој е поврзан со многу силна светлина што може да се види од далечина до 1,6 километри и нуди неколку режими на светлина.
Solid режимот се бира за континуирано светло, Pelotron модот е дел од системот за автоматско светло за групно возење и е малку послаб и поудобен за очите на луѓето зад велосипедот, модот Night flash за трепкачки светла погодни за ноќни возења и Day Flash светло за дневно возење. Во најсветлиот режим, интензитетот на светлината изнесува 65 лумени.
Поради многуте функции, батеријата не трае многу долго, а зависи од изборот на режим на светлина и користењето на фотографирање со резолуција од 1.080p. Најкраткото времетраење е четири часа со вклучен Solid или Night мод, а најдолгото е 6 часа со активна дневна светлина.
Varia RCT715 чини 400 долари, а моделот на уредот без камера е достапен за 200 долари.
Извор: Klix.ba
