Xiaomi веќе длабоко навлезе во процесот на EEC сертификација за новата генерација таблет уреди од серијата Mi Pad 6. Со оглед на големата популарност на актуелната Mi Pad 5 генерација која имавме можност да ја тестираме и да ви ја покажеме од наша гледна точка, интересно е што Xiaomi подготвува најмалку четири нови модели на таблет уреди: Redmi Tablet, Xiaomi Tablet 6, Xiaomi Tablet 6 Pro и Xiaomi Tablet 6 Pro 5G.
Во однос на конфигурацијата и хардверот на кои ќе се базира новата серија, првично се шпекулираше дека решението Mediatek SoC ќе биде задржано, но последните информации сугерираат дека новите модели ќе користат две процесорски платформи: една базирана на Mediatek и друга на Qualcomm SoC. Како резултат на оваа одлука, неколку различни процесори се во оптек, бидејќи Qualcomm ги има соодветните во својата палета: Snapdragon 870, Snapdragon 888, Snapdragon 8 Gen1 и Snapdragon 8+ Gen1, додека Mediatek нуди Dimensity 8100, Dimensity 9000 и други модели.
Јасно е дека Mi Pad моделите со Snapdragon 8+ Gen1 или Dimensity 9000 процесори ќе имаат врвни перформанси, но не треба да се биде премногу мудар за да се заклучи дека овие модели ќе имаат повисока цена. Со оглед на употребата на понови и помоќни чипсет решенија, Xiaomi Tablet 6 серијаѕа ќе добие посилни и помоќни полначи од 120W и функција за брзо полнење што е дефинитивно подобра опција од постојните 67 W, особено во контекст на вградениот во батеријата од 8000 mAh+.
Што се однесува до останатите карактеристики, новите модели ќе добијат LTPO екрани од 144Hz, помоќен и подобар квалитет на звукот, како и нова верзија на MIUI оперативниот систем прилагодена за работа на таблет уредите.
Издавањето на новата Xiaomi Mi Pad 6 серија таблети е планирано за третиот квартал оваа година.
