Кинескиот производител Oukitel штотуку го објави новиот смартфон наречен WP19, кој има огромна батерија од 21.000 mAh. Со други зборови, со овој теледон наскоро повеќе нема често да го користите вашиот полнач. Оваа голема батерија може да му овозможи на уредот да издржи цела недела со едно полнење, што е навистина импресивно.
Според официјалните бројки, WP19 телефонот може да испорача до 122 часа континуирани телефонски повици, 123 часа аудио репродукција, 36 часа репродукција на видео содржини и импресивни 2252 часа (или 94 дена) во standby режим.
Но, оваа големина на батеријата има и недостаток, бидејќи ќе и бидат потребни околу четири часа за целосно полнење на батеријата кога ќе се испразни, со брзо полнење од 27 W. Новиот Oukitel е издржлив паметен телефон дизајниран за употреба во екстремни надворешни услови, бидејќи има IP68 / IP69 сертификат и MIL STD 810G заштита од прашина и вода.
Feeling Safe with #OukitelWP19 Rugged Smartphone Outdoors
Explore More exciting features: https://t.co/aemHie5RN1#OukitelWP19 #RuggedSmartphone #outdoors #adventure pic.twitter.com/v9JXl7Sosh— OUKITEL (@oukitelmobile) June 2, 2022
Од предната страна има екран од 6,78 инчи кој има Full HD+ резолуција и стапка на освежување од 90 Hz. Уредот го покренува MediaTek Helio G95 чипсет кој е поврзан со 8 GB RAM и 256 GB внатрешна меморија.
Телефонот има примарен сензор од 64 мегапиксели на задната страна, макро камера од два мегапиксели и Sony Night Vision IR модул од 20 мегапиксели. Однапред се наоѓа сензор за селфи камерата од 16 мегапиксели.
Покрај тоа, уредот работи на најновиот оперативен систем Android 12. Достапен е за купување на AliExpress, по цена од 694 евра.
