Apple сака да го донесе најдоброто од iOS и macOS на iPadOS и неговите моќни таблет уреди. Во iPadOS 16, овој систем ќе го донесе сето она што го носат новите iOS и macOS. iPad за прв пат ја добива апликацијата Weather за временската прогноза. Најавена е целосно нова апликација за соработка на iPad, Freeform, во чии рамки ќе може да се изршуват видео конференции и да се црта или пишува на заедничка дигитална „табла“.
iPad ќе почне да добива и функции оптимизирани за десктоп уредите, односно оние што ќе ги донесат на таблет опциите познати од Mac. На iPad ќе се пресели и опцијата за мултитаскинг Stage Manager, најавена во новиот macOS Ventura. Дополнително, Stage Manager овозможува групирање на апликациите и нивно прикажување со еден клик, а во намалената форма ќе се гледаат една врз друга, па корисниците ќе можат да бираат која да биде во преден план.
За професионалците, ќе има и опција за калибрација на бои, која на iPad ќе биде иста како кај професионалните монитори на Apple.
iPadOS 16 донесува и целосна поддршка за поврзување на екстерен монитор и можност за работа со двата монитори и посебно отворање на апликации. Ќе биде и можна ентеракција помеѓу апликациите на двата екрани, со што iPad уредте стануваат многу повеќе од тоа што беа досега.