Realme уште кон крајот на март го претстави GT Neo 3 во Кина, а сега конечно ќе го донесе и на европскиот пазар. Станува збор за смартфон кој доаѓа во две верзии – едната која поддржува полнење од 80 W и друга која може да се пофали со најбрзото полнење на светот во моментов од 150 W.
Realme GT Neo 3 има 6,7-инчен AMOLED Full HD+ екран со стапка на освежување од 120 Hz. Екранот доаѓа со HDR10+ сертификат и го има првиот дисплеј чип на компанијата, што би требало да го израмни бројот на фрејмови во секунда при играње видеоигри и во некои случаи да ја намали потрошувачката на енергија.
Телефонот го покренува MediaTek Dimensity 8100 чипсет изграден во производствен процес од 5 нанометри и претставен во март оваа година. Овој чипсет, во однос на перформансите е „некаде“ со Snapdragon 888 на Qualcomm, така што нема да има проблеми со лансирање на попребирливите видео игри. Дополнително, можно е да се избере конфигурација со 8 или 12 GB LPDDR5 RAM и 128 или 256 GB UFS 3.1 внатрешна меморија.
На задната страна се наоѓа главниот Sony IMX766 сензор од 50 мегапиксели со OIS, кој може да се најде и кај смартфоните од Xiaomi 12 серијата. Покрај главната камера, има и ултраширока макро камера од 8 MP и 2 мегапиксели за снимање на најмалите детали. Во отворот на екранот е сместена предна камера од 16 MP, која ќе биде повеќе од доволна за селфи и видео повици.
Како што веќе споменавме, GT Neo 3 доаѓа во две верзии. Едната има батерија од 5.000 mAh, која целосно се полни за 32 минути благодарение на брзото полнење од 80 W. Втората верзија има малку помала батерија од 4.500 mAh, но може да се пофали со UltraDart брзо полнење од дури 150 W, што ќе го наполни уредот до 50 проценти за само пет минути.
За да ја заштити батеријата, Realme вели дека презел 38 безбедносни мерки, вклучително и поставување специјален алгоритам за контрола на температурата што гарантира таа да остане под 43°C за време на полнењето. Компанијата тврди и дека литиумските батерии за мобилни телефони ќе задржат 80 отсто од нивниот капацитет по 1.000 циклуси на полнење.
