Apple одговори на неодамнешната објава на Google за подобрувањата во Android Auto. Инфозабавниот систем на технолошката компанија за во автомобил ќе биде подобрен за да има повеќе екрани.
На конференцијата Apple Worldwide Developers која трае до 10 јуни, компанијата најави значајни подобрувања. Како и Android Auto, новиот систем е оптимизиран да биде пофункционален и да работи подобро на повеќе екрани, без разлика дали се во портрет или пејзаж положба.
Покрај тоа, од Apple велат дека нивниот систем ќе може да комуницира со повеќе внатрешни системи на возилата како и дека ќе може да ги преземе екраните на инструментите зад воланот, кои стануваат се почести во автомобилскиот свет.
Преку овие подобрувања, CarPlay ќе може да се справи со повеќе од само навигациски должности. Корисниците ќе можат да ја контролираат климата и радиото без да се вратат на почетниот екран на возилото.
iPhone исто така ќе може да „комуницира со системите на вашето возило во реално време на начин што е на уредот, прилагоден за приватност“, велат од Apple. Ова ќе му овозможи да прикажува брзина, вртежи, ниво на гориво, температура и повеќе на инструмент екранот.
Покрај тоа што ќе може да се прилагоди на различни форми на екранот, CarPlay ќе биде и прилагодлив. Ова ќе им овозможи на возачите да изберат помеѓу стандардни димензии или помодерна естетика на презентација на информации. Apple вели дека производителите на автомобили ширум светот се возбудени што на клиентите ќе им ја донесат оваа нова визија за CarPlay.
Компанијата од Купертино истакна дека ова е само дел од она што очекува дека ќе може да го изнесе на пазарот со следната генерација на CarPlay и дека достапноста на возилата ќе почне да се објавува кон крајот на следната година.
