Истражување спроведено од францускиот производител DS покажува дека возачите на електрични и хибридни автомобили доживуваат помалку стрес додека возат од оние кои возат автомобили на конвенционален погон
Во студијата спроведена на 2.000 британски возачи, резултатите покажуваат дека 78% од возачите доживеале стрес додека возеле. Сепак, 38 отсто од сопствениците на електрични и хибридни модели изјавиле дека се чувствуваат помалку стресно во нивниот сегашен автомобил отколку кога возеле автомобил на конвенционален погон.
Што се однесува до другите резултати од ова истражување, 31% од испитаниците признале дека стресот негативно влијае на нивните возачки способности, а возачите под стрес имаат поголема веројатност да донесат непромислени одлуки и да обрнуваат помалку внимание на потенцијалните опасности. Поради овој факт, за многумина е важно амбиентот на возилото да е релаксирачки, а секој петти возач вели дека функциите на возилото наменети за намалување на стресот се еден од факторите при купување на нов автомобил.
Кога станува збор за способноста на автомобилот да го намали стресот, 41% од испитаниците го наведуваат тивкото и префинето возење како приоритет, па со задоволство би одбрале хибриден или електричен автомобил. Дури 52% од испитаниците сметаат дека за пониско ниво на стрес се потребни удобна кабина и седишта, а 34% од нив го наведуваат удобното возење како најдобра релаксација.
