Иновативното истражување на тимот на UNSW покажува дека инфрацрвената топлина на Земјата може да се користи за производство на електрична енергија, дури и откако сонцето ќе зајде
Истражувачите од Универзитетот во Нов Јужен Велс (UNSW) направија голем исчекор во технологијата на обновлива енергија со производство на електрична енергија од таканаречената ноќна сончева енергија. Имено, експертите на локалното училиште за фотоволтаична и обновлива енергија генерирале електрична енергија од топлина која зрачи како инфрацрвена светлина, на ист начин како што Земјата се лади зрачејќи во вселената ноќе.
Мало, но индикативно
За генерирање енергија од емисијата на инфрацрвеното светло користена е терморадијативна диода, полупроводнички уред составена од материјали што се користат во очилата за ноќно гледање. Резултатите од истражувањето сега се објавени во ACS Photonics.
Иако количината на енергија произведена во оваа фаза беше многу мала, дури 100.000 пати помала од онаа испорачана од соларниот панел, истражувачите веруваат дека резултатот може да се подобри. На крајот на краиштата, првата силиконска соларна ќелија, претставена во 1954 година во Bell Labs, беше ефикасна од едвај два проценти, а денес модерните ќелии претвораат околу 23% од сончевата светлина во електрична енергија.
Температурни разлики
Процесот користи соларна енергија која во текот на денот ја загрева планетата во форма на сончева светлина. Ноќе, истата таа енергија зрачи назад во огромната, студена празнина на универзумот во форма на инфрацрвена светлина. За тоа време, терморадијациската диода произведува електрична енергија користејќи ги предностите на овој процес.
На ист начин како што соларната ќелија генерира електрична енергија со апсорпција на сончевата светлина емитирана од Сонцето, терморадијациската диода генерира електрична енергија со емитување инфрацрвена светлина во постудена средина. Во двата случаи, температурната разлика овозможува производство на електрична енергија, објаснуваат истражувачите.
A New Breakthrough Could Make It Possible To Harvest Solar Power at Night https://t.co/Y82CjQ9CIZ
— NewsXpro (@news_xpro) June 16, 2022
Технологија на иднината
Истражувачите веруваат дека новата технологија може да се примени на различни начини во иднина. Еден од нив би можел да биде напојувањето на бионички уреди, како што се вештачките срца, кои моментно работат на батерии кои треба редовно да се менуваат.
Во принцип, енергијата би можела да се собира и од топлината на телото и на тој начин да ја елиминира потребата од батерии или барем да помогне во нивното полнење.
