Компанијата Snap спроведува интерни тестови на платената претплата наречена Snapchat Plus, која наводно на корисниците ќе им овозможи ран пристап до нови функционалности, но и други поволности. Бесплатната верзија на апликацијата и во иднина ќе може да се користи од сите, со тоа што во следниот период нема да бидат достапни премиум услугите за корисниците кои не сакаат да платат.
Засега не се познати сите премиум услуги за корисниците, но една од споменатите можности е корисниците да добијат пристап до некои ексклузивни икони. Корисниците на Snapchat Plus, исто така, ќе можат да ги видат локациите на нивните пријатели во изминатите 24 часа, во случај кога тие пријатели ја споделуваат нивната локација со корисникот. Исто така, ќе можат да видат колку пријатели повторно ги гледале нивните објави.
#Snapchat is working on a subscription plan called Snapchat+ 👀
ℹ️ Snapchat+ gives you access to exclusive, experimental and pre-release features such as the ability to pin 📌 the conversation with your Best Friend, the access to custom Snapchat icons, a special badge, etc… pic.twitter.com/VrMbyFlFvI
— Alessandro Paluzzi (@alex193a) June 16, 2022
Претставникот на Snap, Лиз Маркман за The Verge потврди дека во тек е внатрешно тестирање на новата претплатничка услугa, Snapchat Plus.
„Возбудени сме што можеме да споделиме ексклузивни, експериментални функции со нашите претплатници, како и нови функции пред официјалното објавување, и да дознаеме повеќе за тоа како можеме најдобро да придонесеме за нашата заедница“, рече Маркман.
Претплатата за премиум услугите ќе ги чини корисниците 4,59 евра (4,83 долари) месечно или 45,99 евра (48,41 долари) годишно. Оваа опција, заедно со планираните цени, може да се променат до моментот кога функцијата ќе биде подготвена да се стартува, доколку Snapchat дефинитивно одлучи да ја понуди претплатата на корисниците по периодот на тестирање.
