Иако останува уште многу време до претставувањето на Samsung Galaxy S23 серијата, последниве денови кружат одредени гласини за него. Неодамна се појави извештај кој е многу позитивен, а се однесува на подобрената предна камера на сите модели на Galaxy S23. Сега пристигнува извештај кој никого нема да израдува.
Истиот извор (Galaxy Club) кој објави информации минатата недела дека селфи камерата на сите модели на Galaxy S23 ќе бидат надградена во споредба со нивните претходници, сега известува дека телефото сензорот на задната страна на Galaxy S23 и S23+ ќе остане идентичен со оној што се наоѓа на Galaxy S22 и Galaxy S22+ смартфоните.
Се пренесува дека Samsung Galaxy S23 и Galaxy S23+ ќе пристигнат со истиот телефото сензор од 10 MP, како кај претходниците. Сензорот најверојатно ќе пристигне со поддршка за 3x зумирање.
Не е јасно каква ќе биде ситуацијата со Samsung Galaxy S23 Ultra и неговиот телефото сензор. Секако, оваа информација е во рана фаза на гласини, бидејќи останува уште доста време до лансирањето на Galaxy S23 серијата, па дотогаш можеме да видиме многу промени.
Да потсетиме, минатата недела Galaxy Club пренесе информација дека Samsung е подготвен да ја надгради предната камера кај Galaxy S23 моделуте следната година. Овој портал наведува дека Galaxy S23 и Galaxy S23+ би можеле да бидат испорачани со предна камера од 12 MP.
Во 2019 година, Samsung ја донесе предна камера од 10 MP кај Galaxy S10 моделите. Таа остана до ден денес на обичните и Plus моделите, но се чини дека Samsung конечно е подготвен да ја подобри резолуцијата на предната камера.