Redmi брендот на Xiaomi, според гласините, планира објава на Redmi K50S и K50S Pro телефоните во Кина.
Судејќи според се, K50S Pro може да дебитира како прв телефон со камера од 200 мегапиксели на компанијата. Ова го потврдуваат најновите информации кои се појавија за телефонот.
Сигурниот дојавувач Digital Chat Station ги објави главните спецификации на овој телефон, кој ќе користи чипсет Snapdragon 8+ Gen 1, ќе има дисплеј од 120 Hz, главна камера од 200 MP и батерија од 5000 mAh. Со оглед на тоа дека Xioami веќе ги објави Xiaomi 12S, 12S Pro и 12S Ultra моделите, кои се опремени со Snapdragon 8+ Gen 1 чип, не се очекува да издаваат други модел со брендот Xiaomi со истиот чипсет. Се верува дека е објавен под линијата Redmi.
Redmi K50S Pro веќе го доби 3C сертификатот, што сугерира дека Redmi K50S и K50S Pro би можеле да бидат официјализирани на кинескиот пазар во текот на август.
