Huawei денеска ќе одржи настан на кој ќе го претстави својот нов оперативен систем HarmonyOS 3, а пред тоа Извршниот директор на компанијата Ричард Ју понуди мал увид во она што следува.
Ју објави краток клип на својот профил на Weibo кој го откри изгледот на новите виџети на почетниот екран. Секоја група апликации сега може да има посебни рабови во папката на почетниот екран и можно е да се групираат во правоаголник, што дава побрз пристап до некои апликации.
Mr Yu shared little hint of new HMOS3 pic.twitter.com/9zpTqa5BNz
— Teme (特米)|🇫🇮🇨🇳 (@RODENT950) July 25, 2022
HarmonyOS е оперативен систем на Huawei базиран на AOSP (Android Open Source Project), но не е едноставен скин или редизајн како многу други кориснички интерфејси. Huawei работеше напорно во изминатата година и половина за да го направи Harmony што е можно понезависен.
Презентацијата ќе се одржи во Кина.