Оние кои пораснаа во времето кога само што се раѓаше ерата на Интернет, веројатно знаат што е Winamp, омилениот музички плеер од времето кога се знаеше за подобри. Ова парче од минатото сега оживеа, и тоа преку нова верзија на која се работеше четири години.
Winamp се појави во 1997 година и брзо стана популарен. Со текот на годините имаше безброј промени и беше познат по тоа што поддржува голем број формати и им нуди на корисниците бројни скинови, приклучоци за визуелизација и плејлисти.
Врвот на популарноста го доживеа во 1999 година, кога компанијата AOL го купи за 80 милиони долари, за да се соочи со криза во 2013 година, кога беше најавено негово гаснење
По верзијата од 2013 година, Winamp беше во мирување, до 2018 година, кога протекоа информации за верзијата 5.8. Набрзо беа објавени на веб-страницата Winamp.com и оттогаш е ветена нова верзија со поддршка за cloud стриминг и други модерни опции кои го прават овој плеер да биде во чекор со времето.
Winamp 5.9 RC1 Build 9999 беше објавен пред неколку дена, што е првиот чекор кон оживување на плеерот со богата историја, пишува BizPortal.
За постарите корисници на компјутери, еве малку носталгија – па сигурно се сеќаваат на слаткото и комично интри за легендарниот плеер:
