Црвениот крст на Република Северна Македонија, општинската организација Гази Баба во период од 29.07.2022 до 31.07.2022 организираше камп за млади на тема “Комуникациски вештини, тим и тимско работење” во Велестово, Охрид. Станува збор за летен камп за регрутација на волонтери кои во иднина ќе помагаат во хуманитарните пунктови и во активностите на Црвениот крст.
Со организирње ваков летен камп се зајакнаа способностите и капацитетите на младите волонтери кои напорно работеа и ќе работат за доброто на општеството. Притоа, младите се стекнаа со нови вештини, но ги надополнија и веќе стекнатите, а главен акцент беше ставен на комуникацијата и тимското работење, сѐсо цел полесно остварување на целите на Црвениот крст.
Во организација на кампот со донација на производи се вклучи и Жито Лукс која, како општествено одговорна компанија, традиционално има соработка со Црвениот крст и помага со донации во реализација на најразлични активности на Црвениот крст.