Неодамна се појави информација дека оваа година новата верзија на iPadOS 16 може да се појави еден месец по онаа на iOS 16, односно во октомври. Според гласините, ова сугерира дека компанијата нема да ги објави своите нови таблет уреди заедно со iPhone 14 серијата во септември.
Сега, новите податоци од Јужна Кореја го потврдуваат тоа, наведувајќи дека новиот, подостапен iPad ќе биде претставен заедно со iPad Pro со M2 чипсет, кон крајот на октомври. Буџетскиот таблет ќе биде наследник на iPad 10.2 (2021), со потенко куќиште и дизајн со рамни рабови сличен како кај iPad Pro моделите.
Уредот ќе понуди уште поголем дисплеј (10,5-инчи), USB Type-C порт и A14 Bionic чип со 5G конекција. Нема да има 3,5 милиметарски приклучок за слушалки.