Во последно време, индустријата на смартфони со преклопување се чини дека станува се попривлечна и поконкурентна. Ова секако треба да доведе и до одредени придобивки за потрошувачите. Покрај поголем избор, во одреден момент би требало да има и пониски цени, се надеваме наскоро.
Сега има индикации дека vivo подготвува и нов преклопен модел кој ќе се спротивстави на Samsung Galaxy Z Fold4, Xiaomi Mix Fold 2 и Huawei Mate Xs 2. Според дојавувачот Digital Chat Station, станува збор за vivo X Fold S, кој ќе се појави во септември.
Засега нема повеќе детали за уредот, но се ближи септември и наскоро ќе дознаеме се за него. Во меѓувреме, до крајот на годината, компанијата ја подготвува и својата нова флегшип серија X90.
Да потсетиме дека vivo веќе има флексибилен модел, X Fold, кој сепак е достапен само во Кина. Останува да видиме дали новиот смартфон ќе се појави и на глобалниот пазар.