Само да се потсетиме на нереалните брзини што ги постигнуваше Конкорд. Овој француско-британски проект е еден од најбрзите патнички авиони досега, а негов единствен конкурент беше Tupolev Tu-144. Но, безбедносните проблеми и многу други фактори влијаеа на неговото пензионирање во 2003 година. Меѓутоа, како што пренесува NBCNews, човештвото се уште не се откажало од брзи патнички летови.
Што е суперсоничен авион
Надзвучните (суперсонични) авиони се, логично, оние авиони кои имаат способност да летаат со поголема брзина од брзината на звукот, т.е. со брзина поголема од 1 мах (1234,8 км/ч). Ова значи пробивање на звучната бариера, нат просечна брзина на патување, се со цел што побрзо да стигнете до посакуваната дестинација. Како што рековме претходно, го имавме Конкорд, го имавме Туполев, но почестите проблеми и една фатална несреќа на овие авиони доведоа до нивно пензионирање. Сепак, овој начин на патување изгледа сè уште не е напуштен.
Планови на American Airlines
Најголемата авиокомпанија во светот, American Airlines, одлучи да купи 20 суперсонични авиони од компанијата Boom Supersonic, со седиште во Денвер, со цел да ги имплементира за комерцијални цели. Мора да нагласиме дека ова не е првата авиокомпанија која нарача ваков тип на патнички авиони од Boom Supersonic, како што тоа го направија Japan Airlines пред пет години и United Airlines минатата година.
Овој тип на авиони наречен „Overture“ е способен да превезе патниците од Лондон до Мајами (7122 км) за помалку од пет часа. Традиционално, со сегашните авиони, таков лет би траел осум часа и четириесет минути. Секако, би се зголемила и цената, во опсегот на цени кои моментално важат за прва класа, но кој сака најбрзо треба и да плати.
Што е уште поважно, Overture ветува уште подобро искуство за своите патници во споредба со Конкорд. Ова е малку помал авион апсолутно подреден на луксузот, каде што секое седиште добива голем прозорец за набљудување на настаните многу километри под овој авион. Дополнително, самите мотори што го возат овој авион треба да имаат еколошки карактер и да користат 100% еколошки одржливи горива. Нивното пристигнување на пазарот се очекува во 2025 година, додека првиот комерцијален лет е планиран за четири години подоцна.