Huawei на почетокот на оваа година објави дека до крајот на 2022 година ќе ја претстави серијата Huawei Mate 50, која требаше да биде објавена минатата година. Но, тоа не се случи од сите познати причини. Оваа година конечно ќе пристигне споменатата серија, а сега има добри вести за потенцијалните купувачи на моделот Huawei Mate 50.
Huawei Mate 50 серијата досега има добиено значителен број сертификати, што укажува на нејзино претстојно лансирање. Сега се појави извештај од Кина во кој се наведува дека Huawei започна масовно производство на моделот Huawei Mate 50.
Huawei очигледно подготвува залихи од овие телефони, кои треба да бидат претставени следниот месец. Извештајот наведува дека серијата Huawei Mate 50 ќе користи компоненти произведени од кинески производители.
Според претходните гласини, таа ќе вклучува три модели – Huawei Mate 50, Huawei Mate 50 Pro и Huawei Mate 50 RS. Сепак, претходните денови беше најавено дека покрај овие три модели ќе биде претставен и Huawei Mate 50E.
Кога станува збор за спецификациите, се очекува дека ќе пристигне со некои нови функции кои се однесуваат на фотографирање. Се наведува дека оваа серија ќе има поддршка за Huawei Image XMAGE, што дополнително ќе го подобри квалитетот на фотографиите направени со Mate 50 смартфоните.
Заедно со Mate 50 серијата, треба да дебитира и новата верзија на оперативниот систем на Huawei – HarmonyOS 3.0. Некои извештаи тврдат дека телефоните ќе ги покренува Kirin 9000S чип, додека други велат дека ќе работат на чипот Qualcomm Snapdragon 888. Најевтиниот модел од оваа серија, Huawei Mate 50E, наводно ќе пристигне со Snapdragon 888.
