Следниот месец Huawei би требало да ја претстави својата серија на паметни телефони Mate 50. Распоредот на Huawei за лансирање смартфони многу се промени по американските санкции. Минатата година, кинеската компанија ја претстави серијата P50, додека оваа година на ред е серијата Mate 50. Сега се појавија ексклузивните рендери на триото уреди од Huawei Mate 50 серијата.
Постои несклад помеѓу извештаите кои се однесуваат на бројот на Huawei Mate 50 моделот. Така, некои извештаи наведуваат дека оваа серија ќе ги вклучува Mate 50, Mate 50 Pro, Mate 50E и Mate 50 RS, додека некои информации тврдат дека нема да има модел Mate 50E. Сега на промотивните фотографии се појавија Mate 50, Mate 50 Pro и Mate 50 RS, а овие фотографии навистина се чини дека се официјални, иако секако не беа објавени од Huawei.
Заедничко за сите модели е кружниот исечок на задната страна каде што ќе се наоѓаат предните камери. Тој е речиси идентичен со Huawei Mate 50 и Mate 50 Pro, додека оној што се наоѓа на телефонот Mate 50 RS е малку поинаков.
Кога станува збор за предниот дел, постпјат одредени некои разлики. Пред се, Mate 50 Pro го има стариот класичен засек (notch), за разлика од другите два модели кои немаат засек, туку отвор во горниот дел од екранот. Иако тоа не се забележува на моделот Mate 50 RS, може да се претпостави дека се работи за отвор. Секако, постои и опција дека се работи за предна камера под екранот, но тоа е малку веројатно. Сите три екрани се закривени.
На фотографиите во долниот десен агол пишува XMAGE, што значи дека телефоните ќе имаат оптимизирани камери од XMAGE, што всушност е интерна замена на Huawei за Leica, со која ја прекинаа соработката. Покрај тоа, се вели дека телефоните ќе бидат испорачани со HarmonyOS.