Samsung во првата половина на август го одржа вториот Galaxy Unpacked настан во годината, а со тоа јужнокорејската компанија ја заврши презентацијата на флегшип уреди за 2022 година.
Следните водечки смартфони на Samsung ќе пристигнат на почетокот на следната година во форма на модели од серијата Galaxy S23. Сега дознаваме нови детали за нив, поточно за телефонот Galaxy S23 Ultra.
Samsung Galaxy S23 Ultra ќе пристигне како наследник на телефонот Galaxy S22 Ultra. Најновите информации за овој телефон ќе ги израдуваат неговите потенцијални купувачи.
Имено, се вели дека Samsung Galaxy S23 Ultra ќе пристигне со 3D Sonic Mac сензорот за отпечатоци на Qualcomm, што ќе биде подобрување во однос на оној што се наоѓа на телефонот Galaxy S22 Ultra.
Горенаведениот сензор може да се пофали со уште поголема брзина во споредба со неговиот претходник, како и поголема површина за скенирање. Vivo X80 Pro и iQOO 9 Pro веќе го користат овој сензор, а тестерите беа импресионирани од точноста и брзината на скенерот за отпечатоци на овие телефони.
Кога станува збор за другите два модели, не е јасно дали и тие ќе добијат нов сензор за отпечатоци или ќе биде ексклузивен само за Galaxy S23 Ultra.
Во последно време, имаше и некои други гласини во врска со спецификациите на Galaxy S23 Ultra. Неодамна познатиот типстер Ice Universe изјави дека Samsung ќе го претстави и својот трет камера сензор од 200 MP за паметни телефони и дека ќе биде имплементиран во Samsung Galaxy S23 Ultra. Тој наведува дека името на сензорот ќе биде Samsung ISOCELL HP2 и покрај тоа што веќе има сензор за камера ISOCELL HP3.