Денес, дури и најевтините автомобили имаат управувачи кои ќе траат неколку години и најмалку 100.000 километри пред да почнат да се распаѓаат.
Сопствениците на импресивно брзиот Tesla Model S Plaid на социјалните мрежи опишуваат проблеми со дел од електричниот автомобил. Тоа е материјалот со кој се покрива контроверзниот „Steering Yoke“ волан, а кој наводно се распаѓа со алармантна брзина.
Неколкумина на социјалната мрежа Twitter и форумите на Tesla Motors Club се пожалиле на проблемот со абење на материјалот на воланот. Засега се чини дека проблемот е чисто естетски, но тоа е проблем кој настанува многу брзо. Сопственик на Tesla Motors клубот се пожалил дека материјалот почнал да се истрошува по само шест месеци.
Сопственик на Tesla Model S Long Range опремен со „иновативен“ волан по поминати помалку од 40.000 километри покажа волан на кој веќе паднале три парчиња.
Популарниот TikToker jf.okai објави дека неговиот волан брзо се распаѓа по само 20.000 извозени километри. Најекстремниот случај го објави Твитер профилот Meet Kevin кој изјави дека истите работи ги доживеал по само 6.500 поминати километри.
My Plaid Model S with just 12,000 miles. This is only 3 days after the very first TINY mark became visible. It keeps getting bigger and bigger every time i drive. @elonmusk @Tesla pic.twitter.com/3fDwhg1FsY
— jf.okay (@therealjfokay) August 26, 2022
Во моментов на социјалните мрежи има бројни дискусии на оваа тема. Така, приврзаниците на Tesla вината ја префрлаат на корисниците, наведувајќи дека за се се виновни нивните пороци. Така, утврдено е дека еден корисник бил фатен додека возел под дејство на алкохол, при што констатирале дека распаѓањето на површината на воланот е поради контаминација на површината со алкохол.
only 12,000 miles on my Plaid Model S and this is already happening? @Tesla @elonmusk pic.twitter.com/mlz2tdZKdu
— jf.okay (@therealjfokay) August 23, 2022
Други гледаат пообјективни причини во прекумерната употреба на средства за дезинфекција, наведувајќи примери на луѓе чии дланки многу се потат, додека други го гледаат проблемот во претерано долгите нокти. Според многумина, најдобро е да користите ракавици за возење. Малку неочекувано во денешно време за нов автомобил од оваа цена.
Да речеме и дека Tesla нема ПР-служба, па до објавувањето не добивме никакво официјално соопштение.