Видеото објавено на интернет го открива дизајнот на претстојниот флегшип смартфон на Google.
Иако главна септемвриска тема во мобилната индустрија е Apple и новата генерација на iPhone уреди, овојпат дел од вниманието на љубителите на смартфони доби и Google. Компанијата претходно објави дека подготвува два телефони од серијата Pixel 7 за вториот дел од годината, а неодамна на интернет се појави видео од Pixel 7 Pro.
Видеото го открива дизајнот на новиот смартфон, кој е во согласност со гласините кои претходно кружеа на мрежата, а она што можеме да го очекуваме од овој уред е новата генерација на сопствениот процесор на Google (Tensor SoC) и најновата верзија на нивниот мобилен оперативен систем – Android 13.
На новиот Pixel, Google го промени дизајнот на системот на камери, но ако сакаме да им веруваме на гласините, нивниот квалитет не би требало премногу да се разликува во однос на претходниот модел.
Lol, someone already unboxed a real, retail ready Google Pixel 7 Pro 😅 I'm so looking forward to seeing something other than this black color. https://t.co/Bl8Lnn65yI pic.twitter.com/fIpZ0YBTmi
— M. Brandon Lee | THIS IS TECH TODAY (@thisistechtoday) September 3, 2022
Претстојната генерација на Pixel телефони, чие официјално претставување го очекуваме следниот месец, ќе ги вклучува моделите Pixel 7 и Pixel 7 Pro, додека подостапниот модел Pixel 7a би можел да се појави во продажба следната година.
Иако Pixel 7 Pro би можел да биде еден од најинтересните смартфони претставени оваа година, љубителите на Google со нетрпение очекуваат уште еден уред, чија презентација ја очекуваме на истиот настан, на кој ќе ги дознаеме сите детали за телефоните.