Истражувач кој се занимава со финансии и криптовалути објави преку Twitter дека покренува профитабилна заедничка инвестиција. Без да објасни за што се работи, парите продолжија да се слеваат
Бројот на луѓе заинтересирани да заработат брзи и лесни пари „без труд“ никогаш не бил поголем. Преку социјалните мрежи можете да дојдете до бројни мали инвеститори кои често стануваат жртви на разни измамници – а колку е лесно тоа да се направи, покажа експертот за криптовалути и финансиски пазари, со прекар FatManTerra.
Успешен експеримент
Тој преку својот Twitter профил објави дека „добил пристап до високопрофитабилна фарма за рударење“. Напиша дека вложил колку што можел, но дека останале уште места и ги повика заинтересираните да го контактираат. Приоритет најави дека ќе им даде на „жртвите“ од падот на UST токенот, но не даде други детали за инвестицијата – имињата на инволвираните, видот и начинот на заработка, потенцијалниот профит. Сето тоа намерно го испушти. Се разбира, ова беше лага.
Received access to a high-yield BTC farm based on a private carry trade operated by an up-and-coming fund. I've maxed out what I could, so there's some leftover allocation and I thought I'd pass it along – priority will be given to UST victims. DM for more details if interested.
— FatMan (@FatManTerra) September 5, 2022
И покрај ваквата оскудна покана, а бидејќи има нешто повеќе од 100 илјади следбеници на Twitter, неговите приватни пораки многу брзо му ги преплавија оние кои се подготвени да инвестираат во неговата „шема“. За само два часа, FatManTerra собра околу 100.000 долари (3,45 BTC на Twitter и 2 BTC на Discord) за неговата лажна инвестиција. Набрзо јавно откри дека ова било само експеримент и на „инвеститорите“ им вратил се што му платиле.
Тој го искористи овој случај за да им укаже на своите следбеници на лековерноста на вложувачите и да ги предупреди на слични измамниви кои нема да им ги вратат парите. „Не постои нешто како бесплатен ручек. Нема високопрофитабилни инвестиции без ризик“, рече тој, нагласувајќи дека разни криптоинфлуенсери, дури и со повеќе следбеници на социјалните мрежи, често рекламираат слични измами. „Премногу е лесно да се измамат луѓето во криптозаедницата, а тоа мора да се промени. Ако не разбирате од каде доаѓаат парите, некој ќе заработи пари на вас“, ја заклучил својата поучна приказна.
It is far too easy to scam people in crypto.
And this needs to change.
If you don't understand where the yield is coming from, you are the yield.
Listen carefully to the vocal critics of any project or investment before getting involved. *Really* listen.
— FatMan (@FatManTerra) September 5, 2022