iPhone 14 Pro и 14 Pro Max добија динамичен отвор во облик на пилула што може да се користи за известувања и анимации, нов A16 Bionic чип и главна камера од 48 MP
Засекот во екранот е сè уште присутен, но сега во форма на исечок во средината наречен Dynamic Island. Се работи за отвор во дисплејот во облик на пилула, во која се сместени селфи камерата и Face ID сензорите, но претставува единствена интеграција на хардвер и софтвер, бидејќи може (софтверски) да се прошири и во рамките на динамичниот остров да се прикажуваа известувања, анимации и слично. Со опцијата Dynamic Island, Аpple овозможува целосно нов начин на интеракицја со приказ на содржини на екранот како репродукција на музика, навигација, спортски резултати и слично. Атрактивно и иновативно.
За жал, дизајнот останува речиси идентичен со претходникот iPhone 13 Pro. Apple вели дека iPhone 14 Pro и Pro Max имаат нови Super Retina XDR дисплеи, кои треба да имаат максимална осветленост од 2.000 нита, што е повеќе од кој било телефон на пазарот. Конечно е воведен и always-on дисплеј, при што тстапката на освежување се намалува до 1Hz и екранот се затемнува за да се заштеди батерија.
Apple A16 Bionic
iPhone 14 Pro моделите го добија новиот A16 Bionic чипсет со 16 милијарди транзистори произведени во 4 нанометарски процес, со шест јадра во распоред 2+4 за добри перформанси и ефикасна автономија. Графичкиот процесор има 5 јадра и подобра комуникација со остатокот од чипот за подобри перформанси при играњето игри.
Камери од 48 MP
Главната 48 MP камера со quad систем на спојување на четири пиксели ја замени камерата од 12 MP, со фокус на подобри перформанси во услови на слаба осветленост. Има и широкоаголна камера која остана на 12 MP, но доби макро можности. Телефото камера и натаму нуди 3X оптички зум, но сега и 2x зум, што е повеќе за портрети отколку за зумирање. Камерите нудат снимање во Apple Pro Raw формат за пост-обработка на фотографиите, но и снимање во целосна резолуција. Блицот е двојно посилен од претходната генерација, а сите три камери користат ноќни режими за подобри фотографии во услови на слаба осветленост.
iPhone 14 Pro го има споменатиот Action режим, а има и подобрен Cinematic режим.
iPhone 14 Pro и iPhone 14 Pro Max ќе бидат достапни во четири бои: deep purple, silver, gold и space black.
Цената на моделот iPhone 14 Pro започнува од 999 долари, додека Pro Max е 1099 долари, со складирање до 1 TB. Нарачката за Pro моделите започнува на 9 септември, а продажбата ќе стартува на 16 септември.
