Google почна да испраќа покани за својот следен хардверски настан. Ќе се одржи на 6 октомври, а на него компанијата ќе ги открие сите детали за Pixel 7, Pixel 7 Pro и Pixel Watch уредите, откако претходно ги прикажа уредите Google I/O 2022 конференцијата. Настанот ќе може да се гледа онлајн на 6 октомври со почеток во 17 часот
Google веќе сподели некои детали за паметните телефони, но сега компанијата додаде повеќе информации на веб-страниците на производите. Двата смартфонс ќе користат чипсет од следната генерација со име Tensor G2. Инаку, уредите се со освежен дизајн и надградени камери и работат со Android 13 оперативниот систем. Часовникот има кружна форма и ќе работи со Wear OS 3, а ќе нуди и подлабока интеграција со Fitbit.
It's all coming together.
Join us live for #MadeByGoogle on October 6th at 10am ET.
Sign up for updates and add to your calendar: https://t.co/SAeNERjey0 pic.twitter.com/NaeUtChx7X
— Made By Google (@madebygoogle) September 6, 2022
На медиумскиот настан ќе бидат претставени и нови уреди од серијата Nest. Уште еден интересен детал за презентацијата на 6 октомври – сите уреди кои ќе бидат прикажани, ќе бидат достапни за купување истиот ден.