Google го менува начинот на кој ги претставува своите уреди, а по тизерот за Pixel 7 и Pixel 7 Pro смартфоните објавени во мај, сега пристигна и видео најава за паметниот часовник Pixel Watch.
Претстојниот часовник на Google ќе пристигне на 6 октомври, а објавениот официјален тизер го открива неговиот изглед од сите агли и во сите бои во кои ќе биде достапен.
По објавата на ова видео, единствената мистерија е големината на кружниот раб. Дизајнот е доста уникатен и привлечен, но огромната рамка би можела значително да го расипе.
Што се однесува до нараквицата, таа изгледа модерно, но е „инспирирана“ од дизајнот на Apple.
Се шпекулира дека Pixel Watch ќе чини помеѓу 250 и 350 евра со Wi-Fi и Bluetooth или околу 400 долари со LTE конекција. Презентацијата на паметниот часовник е закажана за медиумскиот настан на 6 октомври.
