Сите знаеме дека компанијата Apple знае како да дизајнира и произведе квалитетен паметен телефон од сите аспекти. Како што објави Wccftech, реномираната компанија DisplayMate ја додели ласкавата титула на телефонот со моментно најдобар екран меѓу смартфоните, токму на еден уред од актуелната iPhone 14 серија.
Најдобар дисплеј
Објективните податоци на реномираната компанија покажуваат дека Apple повторно ја подигнал летвичката со својата серија iPhone 14 Pro уреди, барем кога станува збор за квалитетот на екранот. Новиот крал е крунисан, а круната оди кај моделот iPhone 14 Pro Max, кој е прогласен за смартфон со најдобар екран на пазарот во моментов.
По серијата професионални тестови, iPhone 14 Pro Max постигна оценка А+ за својот дисплеј, покрај многуте други награди. Максималната измерена осветленост на екранот од 2300 нита е импресивна сама по себе, но има и други карактеристики што го издвојуваат овој екран од конкуренцијата во Android светот.
Останати признанија
Што се однесува до признанијата кои успеа да ги собере екранот на iPhone 14 Pro Max, еве ја целата листа награди што ја додели компанијата DisplayMate:
- Најдобра прецизност на белата боја
- Најдобра општа прецизност на бои
- Најмали варијации во прецизноста на бои при користењето
- Најмали максимални отстапувања од точноста на боите
- Најдобра прецизност на контраст и интензитет на контраст
- Најмали отстапувања во интензитетот и квалитетот на контрастот
- Најмалата промена во максималната осветленост
- Највисока максимална осветленост на цел екран (1.026 нита)
- Највисока максимална осветленост (2.397 нита)
- Најдобар контраст
- Најниска рефлексивност на екранот
- Најдобар контраст под амбиентално осветлување
- Најмалата промена во осветленоста на екранот при различни агли на гледање
- Најмалата варијација на прецизноста на белата боја под различни агли на гледање
- Најдобра резолуција на екранот добиена со визуелно испитување
За крај го оставаме интересниот податок дека екраните за Pro моделите од iPhone 14 серијата мобилни телефони ги произведува компанијата Samsung, па така Galaxy S23 серијата ќе има што да покаже кога за неколку месеци ќе се појави пред јавноста и кога ќе пристигне на тестирање кај DisplayMate.