Google првпат го најави воведувањето на новиот оддел за безбедност на податоците во јули и октомври 2021 година, додека од јули 2022 година е задолжителен за сите апликации. Оваа студија се заснова на тие податоци
Информациите што ги даваат програмерите кога поставуваат апликации во Play Store треба да им помогнат на корисниците да разберат како апликацијата собира и споделува кориснички податоци пред преземањето на истите на нивниот уред.
Студијата на Incogni се заснова на анализа на деловите за безбедност на податоците на топ 500 бесплатни и топ 500 платени апликации на Google Play Store, пишува Venture Beat.
Откриено е дека бесплатните апликации споделуваат во просек седум пати повеќе податоци од своите платени копии. Популарните апликации дадоа сличен резултат споделувајќи 6,15 пати повеќе податоци од помалку популарните апликации.
The Data safety section provides users with a simplified view of how an app collects, shares, & secures user data, but we also want to make app permissions information easily viewable for users to understand an app’s ability to access specific restricted data & actions too.
— Android Developers (@AndroidDev) July 21, 2022
Ова го потврдува вообичаеното верување дека корисниците всушност плаќаат за бесплатни онлајн услуги со нивните податоци.
Од достапните податоци, може да се заклучи дека апликациите за купување, бизнис и храна и пијалаци споделуваат најмногу податоци во просек, додека социјалните медиуми и деловните апликации собираат најмногу податоци.
Исто така, ако не сакате апликациите да ги чуваат вашите податоци, бришењето на личните податоци може да биде предизвик, бидејќи 10 проценти од апликациите во Google Play Store наведуваат дека личните податоци што ги собираат не може да се избришат.