Објавени новите смартфони од Google Pixel 7 серијата, кои работат на новиот Tensor G2 чип и имаат сличен дизајн со нивните претходници
Google уште минатата година го откри изгледот на Pixel 7 серијата, која секако ги заинтересира фановите. Сепак, на чекањето конечно му дојде крај бидејќи денес американската компанија на медиумски настан официјално ги претстави Google Pixel 7 и Google Pixel 7 Pro.
Google Pixel 7 Pro
Телефонот не донесува некои големи разлики во однос на неговиот претходник. Работи на новиот чип Tensor G2, кој содржи две Cortex-X1 јадра, две A76 и четири A55 јадра. Графичкиот процесор е Mali-G710 MC10, кој ветува дека ќе ги зголеми перформансите и ефикасноста во споредба со G78. Чипот ги извршува задачите за машинско учење 60 проценти побрзо и 20 отсто поефикасно од неговиот претходник. Има различни функции за вештачка интелигенција, како што е Photo Blur за отстранување на заматување.
Овој чип е поврзан со 12 GB RAM и 128 GB, 256 GB или 512 GB простор за складирање, а нема слот за microSD картичка.
Кога станува збор за камерите, Pixel 7 Pro има сензор за главната камера од 50 MP, исто како и неговиот претходник. Отворот на бленда е f/1,85. Има и ултраширока камера од 12 MP со автофокус, а главната камера доаѓа со поддршка за OIS и EIS и може да снима 4K видео со 30 и 60 fps, како и 10-битно HDR видео. Google работи со Snapchat и TikTok за уште подобри видеа на овие платформи. Третиот сензор е телефото, кој доаѓа со 5x оптички зум и резолуција од 48 MP.
На предната страна се наоѓа AMOLED екран со дијагонала од 6,71 инчи. Се работи за QHD+ LTPO панел со променлива стапка на освежување од 10-120 Hz. Заштитен е со заштита од Gorilla Glass Victus, а под дисплејо има скенер за отпечатоци. Батеријата има капацитет од 5000 mAh, но брзината на полнење не е одредена. Уредот има и IP68 сертификат.
Google Pixel 7
Овој смартфон доаѓа во многу помали димензии, односно со AMOLED FHD+ екран од 6,3 инчи. За споредба, тој е помал од Galaxy S22 и iPhone 14, но за жал пристигнува со стапка на освежување од 90 Hz.
Го користи истиот чип како неговиот претходник, но со 8 GB RAM и 128 GB или 256 GB простор за складирање. Двата телефони ќе добијат три надградби на Android и пет години безбедносни надградби. Главната и ултраширока камера е иста како кај Pro моделот, додека овој модел нема телефото сензор.
Двата телефони имаат ист сензор за предна камера – 10,8 MP со видно поле од 93 степени, но и со фиксен фокус. Pixel 7 поседува батерија со капацитет од 4355 mAh.
Цената на Google Pixel 7 е 650 евра за верзијата со 128 GB, додека Google Pixel 7 Pro ќе се продава по цена од 900 евра за моделот од 128 GB.