Google Cloud и Coinbase најавија долгорочно стратешко партнерство за подобро да му служат на растечкиот Web3 екосистем и програмерите кои ќе можат да пристапат до BigQuery крипто-јавните бази на податоци.
Со оваа соработка, Google ќе им овозможи на корисниците на своите cloud сервиси да плаќаат за овие услуги со „избрани“ криптовалути. Според Coinbase и Google, крипто-плаќањето ќе биде достапно за корисниците во Web3 просторот на почетокот на следната година.
За да го овозможи ова, Google ќе користи Coinbase Commerce, алатка која им овозможува на компаниите да примаат, прифаќаат и конвертираат криптовалути, вклучувајќи Bitcoin, Ethereum, USD Coin, Tether USD, Dogecoin, Shiba Inu и други.
Google планира да ја користи и Coinbase Prime, платформа за крипто-тргување на „институционално ниво“, првенствено изградена за големи компании, за складирање и трговија со криптовалути, пишува The Verge.
Од друга страна, Coinbase ќе го избере Google Cloud како стратешки провајдер на cloud услуги за изградба на напредна размена и податочни услуги и на тој начин делумно да ја замени употребата на AWS (Amazon Web Services).
Coinbase ќе го користи Google Cloud за обработка на блокчејн податоци и на тој начин да го подобри глобалниот опсег на своите крипто-услуги, со искористување на премиум оптичката мрежа на Google.
„Coinbase ќе ја изгради својата глобална платформа за податоци на безбедната инфраструктура на Google Cloud и ќе ги искористи своите водечки податочни и аналитички технологии, со цел на корисниците да им обезбеди крипто-увиди управувани од машинско учење“, објави Google.