Google Pixel 7 серијата беше лансирана минатата недела, кога беа претставени два модели – Google Pixel 7 и Google Pixel 7 Pro. Овие два смартфона денеска беа пуштени во продажба.
Телефоните пристигнуваат на повеќето пазари кои Google ги наведе каде ќе бидат достапни Pixel 7 и Pixel 7 Pro, но некои земји и региони не ја добиваат варијантата за складирање од 512 GB и не се достапни сите бои. Pixel 7 пристигнува со 8 GB RAM, додека Pixel 7 Pro има 12 GB RAM во сите верзии.
Pixel 7 и Pixel 7 Pro ги покренува новиот чип Tensor G2. Двата уреда имаат иста главна и ултраширока камера, додека моделот Pro доаѓа и со телефото камера со 5x оптички зум и резолуција од 48 MP. Pro моделот има и поголем екран од 6,71 инчи, за разлика од обичниот Pixel 7, кој има AMOLED екран од 6,3 инчи. Стапката на освежување е соодветно 120 Hz и 90 Hz. Сите детали за телефоните Google Pixel 7 и Google Pixel 7 Pro прочитајте ги ТУКА.
Во продолжение цените на смартфоните на клучните пазари:
| Google Pixel 7 | Google Pixel 7 Pro | |
| САД | 599 долари (128 GB); 699 долари (256 GB). |
899 долари (128 GB); 999 долари (256 GB); 1099 долари (512 GB). |
| Европа | 649 EUR (128 GB); 749 EUR (256 GB). |
899 EUR (128 GB); 999 EUR (256 GB). |
| В. Британија | 599 фунти (128 GB); 699 фунти (256 GB). |
849 фунти (128 GB); 949 фунти (256 GB). |
Покрај телефоните, во продажба пристигнува и паметниот часовник Pixel Watch. Цените на Pixel Watch (Wi-Fi верзија) се следните:
- 349 долари (САД);
- 379 евра (Европа);
- 339 фунти (Велика Британија).
Цените на LTE верзиите се:
- 399 долари (SAD);
- 429 евра (Evropa);
- 379 фунти (Velika Britanija).