Серијата House of the Dragon е огромен хит на HBO, првата сезона заврши, а фановите сега со нетрпение ја чекаат втората. Компанијата Oppo реши да ја искористи популарноста на серијата.
Oppo претстави специјална верзија на својот паметен телефон Oppo Reno 8 Pro и го продава во пакет наречен House of the Dragon Limited Edition Set украсен со симболите на Куќата Таргариен. Во пакетот е вклучена и специјална маска дизајнирана да личи на кожата на змејот Балерион Црноужасниот. Исто така, има златен печат, триглав змеј кој го претставува семејството Таргариен.
Дел од пакетот е и златно-црн држач за мобилен телефон во форма на змеј, а дури и игличката за вадење на SIM картичката е во форма на мал златен змеј.
Во Oppo навистина се потрудиле и внимавале на секој детаљ, а клиентите ќе добијат и привезок во форма на троглав змеј.
Ќе добијат и колекционерски предмети, јајце од змеј и рачно напишан проглас од кралот Висерис I Таргариен. Овој навистина интересен сет ќе биде достапен од 24 октомври, а цената сѐ уште не е позната.