Кинески експерти успешно тестирале воз кој користи магнетна левитација и се движи во вакуум цевка (Vactrain), јавуваат локалните медиуми.
Ова е уникатен проект во светот, имплементиран на делница од два километра во провинцијата Шанси во североисточниот дел на земјата.
Нов рекорд
При тестирањето била постигната брзина од 130 км/ч, а крајната цел е да се изгради инфраструктура во должина од 60 километри, каде возот треба да развива 1.000 км/ч.
Овој проект ќе ги постави темелите за нов вид транспорт, сличен на кинеските и јапонските Maglev возови, но и Hyperloop, кој своевремено го популаризираше Илон Маск.
И додека Maglev возовите постојат (во Јапонија минатата недела беше забележана рекордна брзина од 600 км/ч), концептот Vactrain е сè уште во зародиш.
На социјалните мрежи може да се најдат дигитални прикажувања на T-Flight, развиени од CASIC (Кинеска корпорација за воздушна наука и индустрија).
Look out @elonmusk, the Chinese are coming!
@GeelyWorldwide looks set to join forces with China Aerospace Science & Industry (CASIC) on development of T-FLIGHT – a futuristic high-speed train to rival @Hyperloop – following talks on a possible industrial co-operation#Telsa pic.twitter.com/QjT4Ft4Acm
— Greg Kable (@GregKable) June 12, 2018
Голем потенцијал
Веројатно најпознатиот концепт на „патување низ вакуумски цевки“ е Hyperloop, кој беше најавен во 2012 година.
Раните тестови покажаа голем потенцијал, потсетува Futurism.
Овој вид транспорт го поттикна британскиот милијардер Ричард Бренсон да ја основа Virgin Hyperloop и да инвестира огромни средства во развојот.
Амбициозни проекти
Со текот на времето, Бренсон се откажа од првичниот план и се сврте кон карго превозот.
Тогаш се појави канадската компанија TransPod, која смета дека нашла начин за успешна комерцијализација на проектот.
Дури и Елон Маск не се откажува од Hyperloop, па годинава најави дека неговата Boring Company ќе изгради подземен систем во наредните години.
