Според претходните ветувања, Samsung соопшти дека новата верзија на оперативниот систем и корисничкиот интерфејс ќе пристигне во октомври. Некои корисници на Galaxy S22 Ultra веќе пријавија дека добиле известување за OTA ажурирање, пренесува GSMArena.
Ознаката на пакетот има фирмвер S908BXXU2BVJA, „тежок“ речиси 3 GB и ги содржи најновите октомвриски безбедносни закрпи. Се разбира, безбедносните закрпи се работи за кои просечниот корисник е најмалку заинтересиран, па затоа One UI 5 доаѓа со еден куп нови функции:
- Нови икони
- Ново известување за повици и генерален распоред за известувања
- Нов заклучен екран, систем за прилагодување на позадини и виџети
- Оптимизација на продуктивноста (подобрена работа со повеќе апликации истовремено, вметнати опции за извлекување и скенирање текст, оптимизација на DeX, Notes и Connected Devices)
- Нов sleep режим
Покрај Galaxy S22 серијата, новите One UI 5 и Android 13 ќе пристигнат и на Galaxy Z Fold 4, Z Flip4 и Galaxy S21 моделите до крајот на 2022 година. Samsung наведе дека ажурирањето во истиот период ќе ги опфати и постарите модели: Z Flip3, Z Fold3 како и Galaxy A53.
